Үндэсний аврах бригадын алба, салбаруудын харилцан ажиллагаа, хүн хүч, техник, хэрэгслийн бэлэн байдлыг хангах үүднээс 24 цагийн тасралтгүй аврах ажиллагааны сургалт, бэлтгэлийг амжилттай зохион байгууллаа.
Сургалт дадлагын хүрээнд нийт 5 цэгийг байгуулан сургалт, бэлтгэлд “Holmatro” аврах ажиллагааны иж бүрдэлтэй ажиллах, өндрөөс аврах ажиллагаа, хорт хий утаанаас хамгаалах баг болон Л-1 цувтай ажиллах, аврах ажиллагааны уяа зангилаа, нэрвэгдэгчийг зөөвөрлөх, гурван хөлт хийн дэр ашиглан нурсан барилгын хийцийг өргөх, нисгэгчгүй нисэх төхөөрөмж болон ой, хээрийн түймрийн багаж хэрэгсэлтэй ажиллах, болон шөнийн цагт цагийн байдал өгч, нурангид дарагдсан, өндөр барилга байгууламжид осолдсон болон бүрэн цутгамал, төмөр бетонон байгууламжаас нэрвэгдэгчийг эрэн хайх, аврах ажиллагаа зохион байгуулсан.
